Kjo do të jetë një erë e re për markën Salvatore Ferragamo!
Pak përpara zbulimit të koleksionit pranveror nga drejtori i sapoemëruar kreativ Maximilian Davis, shtëpia e njohur e modës Salvatore Ferragamo prezantoi logon e re, ku hoqi emrin e parë të themeluesit.
Kompania luksoze me bazë në Firence i kërkoi drejtorit britanik të artit dhe dizajnerin grafik Peter Saville të krijojë një logo të re ku shkrimi i themeluesit tashmë të transformohet në një font serif.
“Historia është një thesar i jashtëzakonshëm për shtëpinë që e zotëron atë,” tha shefi ekzekutiv dhe menaxheri i përgjithshëm Marco Gobbetti. “Logo e re e Ferragamo bën bashkë historinë dhe të tashmen. Larg nga të qenit thjesht një logo, ajo është një program, i cili do të kornizojë dhe drejtojë kapitullin e ri që do të shkruhet.”
Logoja e re u prezantua të Shtunën-24 Shtator në Milano, gjatë prezantimit të koleksionit.