E lindur më 19 Tetor 1993, Lori Hoxha feston sot ditëlindjen e 29.
Blogerja dhe vajza më me influencë për stilin e saj në Shqipëri, aktualisht qëndron në krye të një institucioni të madh mediatik, në postin e drejtoreshës ekzekutive të Top Channel.
Por përtej Lorit që shohim në foto apo intervista, më poshjtë ju rendisim 8 fakte që (ndoshta) nuk i dini për të.
- Emri i saj i vërtetë është Lorela, por ajo nuk e pëlqen si emër dhe nuk e përdor sepse askush e as ajo nuk e njeh veten si Lorela, por si Lori.
2. Si një peshore e vërtetë, Lori në përgjithësi është shumë e pavendosur në zgjedhjet që i duhet të bëj.
3. Lori ka pranuar se në periudha të ndryshme të jetës së saj ka vuajtur nga ankthi ndërsa momentet më të vështira i ka kaluar në vitin 2012 dhe në verën e 2019-ës.
4. Seriali i saj i preferuar (nëse ka ndonjë që nuk e di tashmë) është “Friends” dhe personazhi i preferuar është Rachel.
5. Ajo çfarë e acaron më shumë te njerëzit është kur ata nuk duan të mësojnë dhe refuzojnë të binden për të kundërtën e asaj që mendojnë.
6. Në raport me faljen, Lori ka pranuar se është tolerante dhe fal shumë por ‘nuk e kalon dot’ edhe pasi e ka falur dikë.
7. Nuk pi duhan dhe është krenare për veten që nuk ka pasur asnjëherë qasje për ta pirë atë apo për të provuar vese të tjera.
8. Në qëllimet e saj (për 2022-in) përpos rëndësisë që do t’i kushtonte shëndetit dhe përdorimit më pak të telefonit, ka shprehur dëshirën për të ndërtuar shtëpinë e saj në një fermë.
