Shumë çka mund të ndodh në një Casino ama gjithcka pritet të ndodh nëse aty ka një Fashion Show!
Mos e dërgoni imagjinatën larg as në Monaco e as Monte Carlo, por qëndroni në Tiranë, aty ku “La Carrie” na ftoi të ishim mbretëresha me çantat e saj, çdo ditë!
Brandi italian i çantave, themeluar në 2014-ën nga familja e njohur Amatori e cila është pjesë e industrisë së modës prej brezashme radhë, është zyrtarisht në kryeqytet dhe këtë muaj prezantoi koleksionin e ri të Vjeshtë-Dimër 2022, e jo vetëm kaq!
Në një event të pazakontë -të hapur- mbajtur në Arena Casino në fillim të këtij muaji, në mesin e makinetave, tavolinave të pokerit dhe të ftuarve të shumtë, modelet sfilonin me çantat LC në korridoret e kazinosë duke tërhequr vëmendjen e të pranishmeve.
“Një emocion i jashtëzakonshëm pasi më në fund ju bëra të gjithë bashkë. Jam më shumë se lumtur që një brand tjetër i shtohet familjes dhe që “La Carrie” është tashmë në Shqipëri. Dua të falenderoj pafund Arena Casino për të gjithë disponibilitetin dhe mundësitë që i dhatë promovimit të “La Carrie Albania.”– tha Esmeralda Zoto, drejtuesja e La Carrie Albania.
24 çanta u panë në sfilatë, duke nisur që nga ajo identifikuese e brandit –bucket bag- te ato #bestseller e krijimet e koleksionit të ri, të gjitha me sytë e vëmendjen e merituar të kujtdo që po i shihte të parakalonin.
Por show dhe surprizat nuk ndodhën vetëm në pasarelë- kjo sepse
organizatorët kishin menduar të dhuronin 6 çanta “La Carrie” dhe një udhëtim në Itali, ku tjetër veçse në kryeqytetin e modës Milano.
Të konsideruara ndryshe si çantat e çdo ditë, çantat “La Carrie” janë sinonim i feminilitetit dhe gruas që preferon lirinë e jetës metropolitane më shumë sesa rolin e femrës fatale; një stil eklektik, modern i modës femërore.
Tradita, kreativiteti dhe një prekje magjepsëse janë elementët themelorë të ADN-së së La Carrie, vlerat të cilat e kanë ndërtuar linjën ndër vite duke e bërë atë markën e referencës midis konsumatorëve të rinj që kërkojnë origjinalitet.
#BetheQueen me “La Carrie”! E gjeni në COIN, Kati 0.
Shfletoni galerinë për të parë më shumë momente nga “Casino Fashion Show”.
