Kylie Jenner dhe Anxhelina Hadërgjonaj kanë një emërues të përbashkët në shoqërinë e tyre dhe ai është make up artisti i njohur Ariel Tejada.
Ylli i reality-t dhe artistja shqiptare gjenden këto ditë në Paris ku përveçse kanë festuar ditëlindjen e mikut të tyre artistit të make up- Ariel Tejada, kanë ndjekur nga afër edhe koncertin e Beyonce si dhe kanë shijuar momente në shoqërinë e njëra-tjerës.
Jo vetëm kaq, por moda është një tjetër e përbashkët mes vajzave, të cilat janë fotografuar në shoqërinë e njëra-tjetrës teksa largoheshin nga dyqanet e “Chanel” e “Hermes” në Paris.
Kylie dhe Anxhelina kanë treguar se ndajnë edhe shije të njëjtë, ndërsa ka qenë vetë 25-vjeçarja e klanit Kardashian-Jenner që ka ndarë në story një foto ku shihen të dyja të veshura me këpucët e sezonit me vlerë 2.950$ nga “Chanel”.
